關於轉載:我們設立本網誌的宗旨,全然希望跟知音們分享與交流彼此的意見/分析/心得,所以我們極為歡迎任何人士轉載「貝沁才」© 交流室裡的任何文章或資料,唯一的條件是必須於轉載內容旁邊清楚列出“資料來源:「貝沁才」交流室 http://oozexude.blogspot.com”的字眼。




星期五, 10月 26, 2007

守望相助(討論)1

一位沒有署名的朋友問到:
你好~請問可以幫我分析一下天工國際826嗎
我係8月時10.5買入 ~
等到今時今日都無放,唔知點算 ~
本來唸住等佢升返去$9-$10度放,但點知成兩個月一直係$8 漂浮~
呢排個市又跌,直至今日24號又跌到得返 $7.5 ~
想請教,應該點做 ~
其實呢次係我第一次買股票,點知就搞成咁 ~
我應該繼續持有定放左佢 ~

歡迎有識之士作出解答或者發表意見。

標籤:

4 Comments:

Blogger 文西 said...

買機械股不如買交大或者維柴

有跌勢無升勢,等佢彈一彈換馬好過

個人意見,賣左急升,唔好罵我

9:36 上午  
Anonymous 匿名 said...

其實你第一次買股票, 可以唔係好識分, 自己究竟係做緊乜... 天工國際一上市已經係借一個概念炒到上天, 所以第一樣野你首先要明既係, 你買佢根本唔係"投資", 只係"投機" (即係賭錢既代名詞).

好啦, 投機失敗左, 就一定要嚴守止蝕位 (我個人set 買入價以下8% 做死線, 當然無話一定要幾多%, 純粹自己決定). 你10.5買左, 如果跟我8%止蝕, 你一早已經要係9.66左右沽清晒佢. 但係你無咁做... 通常呢類野跌開有條路, 往往轉個頭就會跌走20-30%.

所以, 我既意見係: 反彈清倉.
首先你可以用現價再跌8% 為絕對死線(以上日收市價7.68計, -8% 即係7.06), 如果未來發覺佢一跌穿7.06 呢個價位, 一定要全數沽清, 唔好再輸比佢. 如果佢一路keep 住係現價附近微升微跌, 就唔好理佢, 唔跌穿7.06 唔沽, 以防你一忍唔住沽完之後佢即彈升. 好啦, 如果你好彩博到佢回升, 記得定返位走人, 始終你要知道, 炒股一定唔可以長楂, 長楂只可以係價值股.

至於定位走人, 在下都有一套用開既習慣(當然只可作為參考, 跟唔跟自己決定), 如果係我, 我會用彈性離場目標價策略. 用返你依個情況, 如果你一路守落去, 佢唔跌穿你既絕對死線, 你一路等, 等等下佢升返, 例如現價7.68, 等等下佢升返上8.x, 我就會定返8.00 清倉走人. 如果佢一跌穿8.00就即走, 如果唔係, 佢一路升返上9.x, 我就會定9.00 清貨, 如止類推. 你會發現個離場價會越定越高, 咁做可以令你食盡佢個反彈升浪, 但係萬一唔好彩, 跌穿你個目標價, 都請你一定要守紀律, 即時清倉走人, 唔好心存僥倖博佢可以一路升返上去... 老實講, 一定會升架!? 唔比佢跌到直架咩 !?

最後, 希望我既意見幫到你.
仲有, 你要明白你買左隻"炒股", 只係可以要黎炒, 千奇唔好長楂. 炒股記得要嚴守止蝕, 今次博唔中, 損失8%, 拎返自己既本金, 咪下一舖再博過, 唔好比人一舖清袋!

11:27 下午  
Blogger PGHK said...

又唔使咁悲, 我近來都有留意呢隻野, 發覺佢有龍斷性,如果唔等錢用,可以keep 一排.
同意kenie所講, 買賣股票前要分投資定投機,
如果係投機,又冇乜做功課(ipo就繄要睇招股書,最重要預期盈利..or 睇 blog主(貝沁才)分析),設10-15% 為止蝕.

4:20 下午  
Blogger Eddie HUI said...

Re : alex

唔只睇預期盈利架,仲要睇有冇派息,同業前景,幾多market share,競爭大唔大等等

天工賺都唔夠1億,但個價卻set得咁貴,根本唔值,可考慮轉碼or長線等

8:30 下午  

發佈留言

<< Home

Google